Sunday, February 23, 2014
သင်ဈေးဝယ်ထွက်တာများလို့ တော်သင့်ပြီထင်ရင် လော့ခ်ပိတ်လိုက်မယ့် စမတ်လက်ကိုင်အိတ် ထွက်ရှိလာပါတယ်။ ဒီ စမတ်လက်ကိုင်အိတ်ဟာ သင်အနှစ်သက်ဆုံး စတိုးဆိုင်ထဲကို ခြေလှမ်းလိုက်တာကိုတောင် သိနိုင်စွမ်းရှိပါတယ်။
ရှော့ပင်ထွက်တာကို စွဲလန်းလွန်းပြီး ငွေအရမ်းသုံးတဲ့သူတွေကို ထိန်းချုပ်ပေးမယ့် နည်းပညာမြင့် လက်ကိုင်အိတ်လေးတစ်လုံးပါ။ ဒီအိတ်ကို iBag လို့ခေါ်ပြီး အိတ်ပိုင်ရှင်ရဲ့ ငွေအသုံးနှုန်းကို ခြေရာခံပေးဖို့ စမတ် အာရုံခံကိရိယာ တစ်မျိုး တပ်ဆင်ထားပါတယ်။
စိတ်လွတ်လက်လွတ် ရှော့ပင်ထွက်နေတာမျိုး (ဒါမှမဟုတ်) အကြိုက်နှစ်သက်ဆုံး စတိုးဆိုင်ကို ၀င်မိတာမျိုးတွေကို iBag ကအာရုံခံမိပြီဆိုတာနဲ့ သူ့ဟာသူ လော့ခ်ချပိတ်ပလိုက် နိုင်စွမ်းရှိပါတယ်။
Creditcardfinder.com.au ကကြီးမှူးကျင်းပတဲ့ ဆာဗေးတိုင်းတာမှုတစ်ရပ် ပြီးတဲ့နောက်မှာ ဒီ iBagကို ဖန်တီးထုတ်လုပ်ခဲ့တာပါ။ လူတစ်ယောက်တည်းက အကြွေးဝယ်ကတ် (၄)ကတ်လောက်ကိုင်ဆောင်ထားပြီး လစဉ် အပြည့်ငွေမခြေတဲ့သူတွေကို တွေ့ရှိခဲ့ရတာကြောင့် ဖြစ်ပါတယ်။
အိတ်ထဲမှာ တပ်ဆင်ထားတဲ့ ကွန်ပျူတာအသေးစားလေးကိုသုံးပြီး ထိန်းချုပ်ထားတာပါ။
Ref: dailymail.co.uk
